«SOS - ბავშვთა   სოფლების»   მიზანია მთელი   ენერგია და რესურსები მოახმაროს ობოლი და მზრუნველობას მოკლებული ბავშვების თავიანთი ქვეყნის საზოგადოებაში ინტეგრაციას, გაუკვალოს მათ მომავალი ცხოვრების გზა, რათა თითოეულმა მათგანმა შეძლოს დამოუკიდებლად და ავტონომიურად ცხოვრება .

საქართველოს   SOS ბავშვთა სოფელი დაარსდა 1989 წელს და იგი არის საერთაშორისო ორგანიზაცია SOS Kinderdorf International- ის წევრი. SOS ბავშვთა სოფლები არსებობს მსოფლიოს 132 ქვეყანაში. დღეისათვის საქართველოს SOS ბავშვთა სოფელში ფუნქციონირებს 2 SOS ბავშვთა სოფელი, სადაც 24 SOS ოჯახი ცხოვრობს; 3 SOS ახალგაზრდული სახლი; SOS საბავშვო ბაღი თბილისი, პროექტი მხიარული ავტობუსი და სხვა პროექტები, რომლებიც მიზნად ისახავს საზოგადოების ნაკლებად უზრუნველყოფილი ბავშვებისა და ოჯახების დახმარებას.